Taẓuri / ⵜⴰⵥⵓⵔⵉ

Taẓuri/ Yemmut Hamdi Bennani, taqacuct n uẓwan n umaluf

Yemmut Hamdi Bennani: taqacuct n uẓwan n umaluf

Taqacuct n uẓawan n umaluf, acennay amẓawan Hamdi Bennani yemmut ass n uynas (letniyen) netta deg leɛmer-is 77 n tiseggasen, i d-nnan yijufaṛ n twacult-is.

Semman-t aneglus amellal almend n yimẓad-is amellal yezgan yid-s, Hamdi Bennani, s yisem-is n tidet Mohamed Cherif Bennani, ilul deg Ɛennaba deg useggas n 1943 deg yiwet n twacult n yimẓawanen i t-icetlen uẓawan anedlusi akked uɣerbaz n umaluf

Mi yella d agrud, iteddu akked ɛemmi-s Mhammed El Kord akked jeddi-s Mustapha, d imẓawanen yerna d ikerwayen n umaluf.

Seg i d-yewwi arraz deg yiwet n temzizelt n ccna, deg useggas n 1963 i d-iɛedda deg umezgun n Ɛennaba, dɣa din i yettwassen. Sakin zrin kraḍ n yiseggasen seg tedyant n Ɛennaba, iɛedda-d, i tikkelt tamezwarut, deg tliẓri n Lezzayer.

Yettwassen dakken d netta i isegrawlen tawsit n uẓawan-a s usekcem n wallalen imuyna akked yiẓawanen-iḍen, yecna Hamdi Bennani deg mennaw n temdinin n umaḍal anda i yeggenses idles akked uẓwan azzayri.

Deg useggas n 2017 tettunefk-as tzalɣi n umyersi n teklalit taɣelnawt n udar « Ahid » almend n Wass aɣelnaw n unaẓur.

 

Aɣvalu 

Related posts
Taẓuri / ⵜⴰⵥⵓⵔⵉ

Amay Yidir, yeǧǧa-aɣ

Aru awennit

Email-inek ur d-itffeɣ ara. Urtiyen yuwren ttwaseknen s *