Taẓuri / ⵜⴰⵥⵓⵔⵉ

Amay Yidir, yeǧǧa-aɣ

Amay Yidir, yeǧǧa-aɣ

Ass-a 2 di maggu 2020, TAQVAYLIT, neɣ tamazɣa teɣli-as yiwet seg tgejda-ines. Win itt-yessufeɣan ɣer umaḍal, ɣer leǧnas anda ma llan. S wawal, s cna, s tmedyazt yessasnad taɣerma, tayri, ansayen, tinekkit… Atg
Da Yidir, 1949-2020 d yiwen unaẓur illul deg idurar n tmurt n leqbayel deg taddart n At Laḥsan (deg wat yenni), Di tizi wezzu. Yebda cna kan akken meẓẓi, deg tikli-ines tamezwarut n cna ivan-d fell-as d win yezzuzunen imdanen s isefra d uẓawan iɛeddan akkin i cvaḥa.
Anwa ur nessin Vava inuva, anwa is yennan tizlit am ta, ad tettwasuɣel ɣer 52 n tutlayin, anda leǧnas merra, inazuren merra refden-tt d tiɣvula iwakken ad tt-cnun xas ulamma s wudem nniḍen acu kan aẓawan-ines yeqqim kan d win. Syin akkin terna-d tmuqint n tezlatin kan akken ta deffir ta, yal yiwet s unamek ines, yal yiwet s wazal-is ; tagrawla, azwaw, zwitt rwitt, tiḍri n wegdud, cfiɣ, a yarrac nneɣ.

Amay Yidir, yeǧǧa-aɣ

Tanagit ɣef Yidir neɣ Hamid Ceryet mačči d yiwet mačči d snat. Aselway aqdim n tmurt n fransa FRANÇOIS HOLLANDE d win yesḥasfan aṭas aṭas ɣef tmettant n Yidir, d win id yefkan tanagit i umezruy ɣef wayen id yefka yidir i TAQVAYLIT, neɣ i talsa merra s cna-ines. Aslaɣmay n Real Madrid, Zinedine Zidane, daɣen ula d netta d win id yenna n werǧin ad ttuɣ argaz am agi, id yeǧǧa kraɣ-d s tuɣac-is di temẓi.
Awal ɣef Yidir yeqwa mačči d kra, d iselwayen n tmura, d icennayen, d imdabran n tsertit, d imdukkal-is uẓawan d wid i bedden ɣef yiwen wawal YIDIR MAZAL-IT AD YIDIR GAR-ANAƔ, imi trika id yeǧǧa werǧin ad temmet, deg yal tagnit deg taswiɛt yidir, neɣ d cna ines aɣ ad yesmektay amek yella vava inuva, neɣ amek ara ad nesendu iɣi.
Fell-ak talwit a DA Yidir i yiman-inek, ṛuḥ di talwit. Isem-ik, amennuɣ-ik d win ara ad i kecmen cfaya n tudert d cfaya n yal ass.
Yenna-as lwennas deg tasfift-ines tamezwarut « ivan-d ḥaca iḍelli, yerna ivan-d am yitri »

Itri n tmazɣa, tanemmirt-ik

Related posts
Taẓuri / ⵜⴰⵥⵓⵔⵉ

Taẓuri/ Yemmut Hamdi Bennani, taqacuct n uẓwan n umaluf

Aru awennit

Email-inek ur d-itffeɣ ara. Urtiyen yuwren ttwaseknen s *